10 თვის ჩვილი

ფოტო: ანანო დვალი, 10 თვის;

გამოგვიგზავნეთ თქვენი შვილების ფოტოები: info@babyinfo.ge;

ზრდა: პატარა სტაბილურად იმატებს წონაში დაახლოებით 0.5 კგ-ს, ხოლო სიმაღლეში 1-2 სმ-ს ყოველთვიურად. 

კომუნიკაცია: პატარას უკვე ბევრი სიტყვა და მარტივი წინადადება ესმის, ცდილობს ასევე სიტყვების წარმოთქმას. განაგრძეთ მასთან საუბარი, წაუკითხეთ და უამბეთ ამბები. ის მალე შეძლებს სიტყვების და წინადადებების დაკავშირებას შესაბამის საგნებთან და სამყარო მისთვის უფრო საინტერესო ადგილი გახდება.

მოტორული უნარები: თქვენი პატარა ახლა უფრო მობილურია. შეუძლია ხოხვით შემოიაროს მთელი სახლი. თუ მოსაჭიდებელი და საყრდენი საგანი იპოვა ფეხზე წამოდგომასაც შეძლებს და იქნებ რამდენიმე ნაბიჯიც გადადგას. ასევე შეუძლია ცოტა ხნით დახმარების გარეშე დგომა. ხელს თუ ჩასჭიდებთ და შეაშველებთ გაივლის კიდეც. ატარეთ და ავარჯიშეთ, მაგრამ უმეტესად იზრუნეთ მისი გარემოს უსაფრთხოებაზე. 

სოციალურ-ემოციური უნარები: უკვე შესამჩნევია მისი ხასიათის თავისებურებანი. შესაძლოა ყველას უღიმის და მეტად კომუნიკაბელურია, ან პირიქით მორცხვი და ჩაკეტილი. უფრო ჭკვიანურად და მრავალფეროვანი მეთოდებით ცდილობს თქვენი და გარშემომყოფების ყურადღების მიქცევას. 

ამ ასაკში შესაძლოა შენიშნოთ, რომ უსაფუძვლოდ ღელავს. შესაძლოა მოულოდნელი ხმაურის, კარზე ზარის ხმის ეშინია ან ჩაიდნის შიშინის. დაამშვიდეთ და დაარწმუნეთ, რომ ყველაფერი კარგად არის და თქვენ მის გვერდით ხართ.