2 წლის და 11 თვის - 3 წლის ბავშვი

ფოტო: დათუჩა, 3 წლის

გამოგვიგზავნეთ თქვენი შვილების ფოტოები: info@babyinfo.ge

მოძრაობა: სამი წლის ასაკში ბავშვის საყრდენ-მამოძრავებელი სისტემა უკვე საკმაოდ კარგად არის განვითარებული და ძირითად მოძრაობებზე მას ენერგიის კონცენტრირება უკვე აღარ სჭირდება. მხოლოდ რთული მოძრაობების შესრულებისას, მაგალითად როდესაც ცალ ფეხზე ან თითის წვერებზე დგება - იძაბება.

საუბარი: მარტივი საუბარი უკვე ადვილად გამოსდის. შეუძლია გითხრათ სახელი, სქესი და ასაკი. უმეტესად სწორად და გამართულად საუბრობს, მაგრამ თუ რამით აღტაცებულია და აღფრთოვანებული, მაშინ ბევრი შეცდომა მოსდის. 

შეუძლია მარტივი ფორმების დახატვა და გადახატვა, ასევე მაკრატლით გამოჭრა.

საკუთარ თავზე ზრუნვა: შესაძლოა უკვე იცის ხელების დაბანა, გამშრალებაში ისევ დაჭირდება თქვენი დახმარება. ასევე შეუძლია დამოუკიდებლად ჩაცმა, მაგრამ დახმარება სჭირდება ღილების შეკვრისას.

ძილი: ჯერ ისევ სძინავს დღისით, ხანმოკლე დროით. სასურველია რომ ეს ძილი ერთსა და იმავე დროსა და ადგილას მოხდეს.