3 წლის და 3-4 თვის ბავშვი

თქვენი პატარა გამართულად მეტყველებს. მისი წინადადებები უფრო რთულია, სიტყვების მარაგი უფრო მდიდარი, გრამატიკა კი გამართული.

შესაძლოა უკვე ქოთნის გამოყენება ისწავლა, მაგრამ ზოგჯერ მარცხიანი შემთხვევებიც მოსდის, განსაკუთრებით ღამით.

ამ ასაკის ბავშვები უკვე კარგად თამაშობენ სხვა ბავშვებთნ ერთად, მაგრამ ეს თამაში ხანმოკლეა და 1 სთ-ზე ნაკლებ ხანს გრძელდება. უკეთ არის საქმე იმ შემთხვევაში, როდესაც პატარები ერთმანეთს იცნობენ და დიდ დროს ატარებენ ერთად.

ადვილი შეასმჩნევია, რომ ბავშვის აღნაგობა ძლიერ შეცვლილია წინანდელთან შედარებით. ის გამაღლებულია და მისი სხეულიც უკვე მოზრდილი ბავშვის სხეულის პროპორციულია.

ძალიან მნიშვნელოვანია, რომ ამ ასაკში ხელების სისუფთავეზე ზრუნვას მიაჩვიოთ. ამ ასაკში ის ხელებით აღიქვამს სამყაროს, ხელს კიდებს განურჩევლად ყველაფერს და ასევე ხშირად ამ ხელებს იდებს პირში. ამიტომაც ხშირია მოწამვლა და სხვა ინფექციებით თუ პარაზიტებით დაავადება.

ამ ასაკში კარგია თუ ისეთ საქმიანობებს გამოუჩენთ, რომელიც ხელის კუნთების გავარჯიშებაში დაეხმარება. დაიხმარეთ საოჯახო საქმეებში, დაასაქმეთ ეზოში, აძერწინეთ და მიეცით საშუალება მუსიკალური ინსტრუმენტებით და სხვადასხვა ხელსაწყოებით ითამაშოს.

Original image URL: http://www.flickr.com/photos/carbonnyc/3247734246/

Title: Jubilant